港澳青年來穗服務指南丨《我在廣州遇見你——港澳青年來穗服務指南》購物篇·上
来源: 日期:2020/11/03 14:36:28
活動回顧丨粵港澳大灣區青年文創集市公益直播
10月23日晚,廣州市青年文化宮、粵港澳大灣區青年家園聯合廣州廣播電視臺融媒體發展中心以互聯網基礎搭建公益直播平臺,聯繫粵港澳臺文創企業喺市青年宮粵港澳大灣區青年家園進行首次大灣區文創集市公益直播活動,零收費零傭金令產品從創作者直達消費者,粵港澳臺文創青年親臨直播現場,述說佢哋嘅創業故事,並推介創意產品,現場圍觀群眾熱情高漲,直播觀看量8.31萬,產品成交量達9.80萬。
粵港澳大灣區青年文創集市公益直播活動現場
喺廣州除咗可以走遍街頭巷裏“食食食”
仲可以感受現代化大都市嘅氣息“買買買”
“千年商都”系廣州一張重要嘅名片
今期為大家介紹廣州嘅商業區
感受尼座城市濃厚嘅文化底蘊
1.上下九商圈
交通:地鐵1號線長壽路站
上下九商業步行街位於西關一帶。狀元坊作為潮流服飾嘅一條街,商品種類好齊全,喺尼度可以用最抵嘅價格買到時下最流行嘅服飾,好適合學生逛一逛。荔灣廣場作為上下九步行街嘅一個大型購物商場,裏面除咗流行服飾,最出名嘅就系喺東面嘅水晶玉石批發店鋪。恒寶廣場系上下九附近最新嘅一個SHOPPING MALL,裏面有好多適合年輕人嘅潮物出售,負二層新開咗好多品牌折扣店,想買名牌正貨嘅靚女靚仔可以過嚟尼度睇下。
上下九商業步行街
(圖片來源:廣州市文化廣電旅遊局官網)http://wglj.gz.gov.cn/zxpd/tsgz/gwtt/gwjq/content/post_3234230.html
2.江南西商業區
交通:地鐵2號線江南西站
江南西路系海珠區重要同傳統嘅商業區,集中咗一啲大眾品牌同本地牌子嘅商鋪,亦系本地年輕人最愛嘅行街買野好去處之一。江南西路同寶崗大道交界嘅廣百新一城,系海珠區最大嘅購物商場,二樓同三樓集中咗唔少國內外時裝大品牌,同時仲有價格相對便嘅廣百折扣店。尼度仲有江南新地、麗日廣場、海珠購物中心等等。
廣百新一城
麗日廣場
http://wglj.gz.gov.cn/zxpd/tsgz/gwtt/gwjq/content/post_3234203.html
(圖片來源:廣州市文化廣電旅遊局官網)
3.天河商業區
交通:地鐵1號線、3號線體育西路站
天河商業區系全國面積最大嘅商圈。天河路以北依次有廣州購書中心、維多利廣場、天河體育中心同太古匯等;天河路以南有天河城、正佳廣場、萬菱匯等;往東延伸有廣州電腦城、南方電腦城同摩登百貨;地底下仲有時尚天河商業廣場、東方寶泰等。
時尚天河
東方寶泰
http://wglj.gz.gov.cn/zxpd/tsgz/gwtt/mpsx/content/post_3234044.html
http://wglj.gz.gov.cn/zxpd/tsgz/gwtt/mpsx/content/post_3234050.html
(圖片來源:廣州市文化廣電旅遊局官網)
廣州人最鐘意逛嘅“神州第一書城”——廣州購書中心就位於繁華嘅天河商業區。作為一名愛學習嘅好青年,尼度一站式有食、有玩、有睇頭、可讀書、可休憩、可買嘢、可買書,喺度成日都唔洗出去嘅書城式體驗你一定唔可以錯過!
廣州購書中心
http://www.gzbookcenter.com/
(圖片來源:廣州購物中心官網)
4.北京路商圈
交通:地鐵1號線公園前站
廣州嘅北京路商圈全國出名,有大型百貨商場廣百百貨、新大新百貨、光明廣場等,隔離仲有多間書店,濃郁嘅書香氣息同商業氛圍相得益彰。北京路步行街系各大品牌嘅集中地,各種服裝、飾品、品牌都可以喺尼度穩到;尼度經常有各大影樓嘅藝術照promotion,要影藝術照嘅話,可以趁週末到尼度睇睇。動漫星城是動漫活動同動漫產業相關商品集中地,潮流服飾、皮包、飾品、化妝品等真系令人眼花繚亂。
北京路步行街
新大新百貨
http://wglj.gz.gov.cn/zxpd/tsgz/gwtt/gwjq/content/post_3234224.html
http://wglj.gz.gov.cn/zxpd/tsgz/gwtt/mpsx/content/post_3234055.html
(圖片來源:廣州市文化廣電旅遊局官網)
5.環市東路商業區
交通:地鐵5號線淘金站
環市東路商業區聚集咗世貿新世界(環市東)、麗柏廣場、友誼商店等購物場所,服裝、化妝品、高檔飾物喺尼度都可以穩到。地處花園酒店背面嘅華樂路與建設六馬路可以話系時尚小街嘅代表,集中咗名牌特賣場同白領行政休閒服飾兩類商鋪。
麗柏廣場
http://wglj.gz.gov.cn/visitgz/japanese/5109/content/post_6455222.html
(圖片來源:廣州市文化廣電旅遊局官網)
友誼商店
https://mp.weixin.qq.com/s/0wbwuh3nBAbmCe2UEI-4rA
(圖片來源:“廣州友誼”公眾號ID:cgzfsmall)
下期預告
繼續為你介紹廣州嘅購物天堂
下期見!
更多問題,請諮詢
廣州“青年之家”總部、粵港澳大灣區青年家園門店、廣州市粵港澳青少年交流活動基地總部
電話:020-83335760
地址:廣州市青年文化宮南門(廣州市越秀區北京路312號)
粵港澳大灣區青年家園介紹
粵港澳大灣區青年家園(廣州“青年之家”總部、廣州市粵港澳青少年交流活動基地總部)位於廣州市越秀區北京路312號,由共青團廣州市委員會、廣州市青年聯合會委託廣州市青年文化宮負責運營,系團中央命名嘅全國首批示範性“青年之家”綜合服務平臺、團省委掛牌認定嘅第二批粵港澳大灣區青年家園。